Petre, summe Christi pastor,
et Paule, gentium doctor:
Ecclesiam vestris doctrinis
illuminatam
Per circulum terrae precatus
adiuvet vester.
Nam dominus,
Petre, caelorum
tibi claves dono dedit.
Armigerum,
Beniamin, Christus
te scit suum vasque lectum.
Mare planta te, Petre,
Christus conculcare tuae
dedit caritati;
Umbram tui corporis
infirmis debilibusque
fecit medicinam.
Spermologon philosophos
te, Paule, Christus
dat vincere sua voce;
Multiplices victorias
tu, Paule, Christo
per populos adquisisti.
Postremo victis
omnibus barbaris
Ad arcem summi
pergitis culminis
germanos discordes
sub iugum Christi
pacatos iam coacturi.
Ibi Neronis
feritas principes
Apostolorum,
proeliis plurimis
victores, diversae
te, Petre et Paule,
addixerat poenae mortis.
Te crux associat,
te vero gladius
cruentus mittit Christo.
