Carmen suo dilecto
Ecclesia Christi canat,
ob quam patrem matremque deserens
Deus noster se vestiit natura
et synagogam respuit.
Christe, tuo sacro latere
sacramenta manarunt illius:
Tui ligni adminiculo
conservatur in salo saeculi.
Hanc adamans coniugem
clauderis Gazae,
sed portas effracturus illius:
Hanc etiam hostibus
eruiturus
es congressus tyranno Goliath,
Quem lapillo prosternens unico.
Ecce sub vite amoena, Christe,
ludit in pace omnis ecclesia.
Tute in orto resurgens, Christe,
ortum florentis paradysi tuis
Obstructum diu reseras,
domine, rex regum.
