Haec est sancta
solemnitas solemnitatum
Insignita triumpho Christi:
Qui devicit imperium
Male potens diaboli
Suo nos precioso sanguine
Eius de potestate eruens.
Redempti
ergo gratias agamus
nostro redemptori!
Rex regum Christe,
cui angelorum chori
iuge famulantur,
Vultu placido homines
in tuis laudibus sedulos
pius intuere,
Quorum mortibus condolens
in tantum humilis factus es,
ut mortem subires.
Tu devictis
inferni legibus
resurgens triumphas:
Tu post crucem per orbem
gentibus imperas
omni-potens filius dei.
