Clare sanctorum
senatus apostolorum,
princeps orbis terrarum
rectorque regnorum:
Ecclesiarum mores
et vitam moderare,
Quae per doctrinam tuam
fideles sunt ubique.
Antiochus et Romus
concedunt tibi,
Petre, regni solium.
Tyrannidem tu, Paule,
Alexandrinam
invasisti Grecias.
Aethiopes horridos, Mathee,
agnelli vellere,
Qui maculas nesciat aliquas,
vestisti candido.
Thoma, Bartholomee,
Johannes, Philippe,
Simon Jacobique pariles,
Andrea, Tathee,
dei bellatores incliti,
En, vos occidens et oriens,
Immo teres mundi circulus
se patres habere gaudet
et expectat iudices.
Et idcirco mundus omnis
laudes vobis et honorem
sanctis debitum
supplex impendit.
